第一次毒遊-台北 (2016年9月8日)

一直以黎金星人都好想試一次獨遊, 呢個係我幾十年以黎既夢想, 無睇錯呀, 我個夢想就真係咁簡單

好想人都會好似我咁, 每日都會keep住睇機票酒店價錢, 有一日見到台北連稅唔洗900蚊, 立即同火星人申請, 佢諗左一陣問我

火星人: 你真係好想去?? 點解咁想一個人去先? 你咁論盡，好危險架喎
(我一直係火星人心中都有一個長唔大既論盡王)
我:係呀，我真係好想試下一個人去旅行, 咁丫, 當係我既生日禮物丫
火星人: 唉...咁好啦, 你自己一個要小心D呀
yeah!! yeah!! yeah!! 就係咁, 我既獨遊計劃終於成功了

9月8日一放工就去雞場, check-in完無野做, 就去太興食個飯, 真係好Q貴, 一個叉雞飯多謝$68 

食完飯就去等上機, 真係悶到一點...眼訓到一個點....

終於...終於....終於夠鐘上機喇




其實我好想知, 點解每次都係雞翼!!??



其實我好想知, 點解每次都係雞翼!!??


唔洗兩個鐘就到台北, 呢個時間無咩人, 過關同攞行李都好快, 一早約好既司機哥哥已經等緊我, 一路上用123既傾king apps同火星人講電話 (因為火星人驚我遇到拐子佬)

好快就到左今次既酒店, Star Hostel

要訓喇, 早抖...zzZZZzzz...